Ons Geloof

• Gereelde en stiptelike skoolbesoek is ‘n vereiste.
• In die geval van afwesigheid moet die ouer skriftelik kennis gee op dieselfde dag wanneer die leerder terugkom. (Al was die leerder net 1 dag afwesig)
• Wanneer ‘n leerder langer as 3 dae afwesig is, moet ‘n mediese sertifikaat ingedien word.
• Wanneer ‘n leerder vir enige vraestel gedurende die eksamen afwesig is, moet ’n mediese sertifikaat ingehandig word.
• Geen tandarts- of doktersafsprake mag tydens skoolure gemaak word nie. Ook nie afsprake t.o.v. rybewyse nie.
• Slegs met die skriftelike toestemming van die skoolhoof mag leerders die skoolterrein tydens skoolure verlaat.
• Die koshuise mag nie gedurende skoolure besoek word nie. Koshuisleerders moet by mnr. Taylor ’n toestemmingsbrief kry indien hulle koshuis toe wil gaan.
• Leerders moet deur ouers self uitgeteken word, andersins moet ouers skriftelik of telefonies reël indien ‘n ander persoon die leerder moet uitteken.

• Periodewisseling moet ordelik geskied.
• Die trappe moet ook volgens voorskrifte gebruik word en leerders het vier minute om die volgende klas te bereik.
• Wisseling vind kloksgewys plaas.
• Tydens pouse in eksamentyd moet leerders ordelik, vinnig en in stilte na die snoepwinkel beweeg en op dieselfde wyse terugkeer. Volg die kortste roete.

• Gedurende onderrigtyd of sportoefening mag geen leerder sonder toestemming uit ‘n klas, sportspan of van ‘n dienspunt afwesig wees nie.
• Geen leerder mag buite onderrigtyd in ‘n klaskamer wees sonder die toestemming van ‘n onderwyser nie

Rook en/of besit van sigarette, aanstekers en vuurhoutjies, asook om in die teenwoordigheid van ‘n roker te wees, word ten strengste verbied. Die nuwe tabakwet verbied rook in geboue en op skoolterreine. Dit is dus nie ’n skoolreël nie, maar ’n landswet.

Volgens Onderwyswet 84 van Artikel 8a van 1996 mag enige leerder vir dwelms getoets word en die ouers sal binne 24 uur van die uitslag in kennis gestel word.

Kougom, asook eet en drink in klaskamers is heeltemal verbode.

Hande vashou en liefkosings op die skoolterrein is ontoelaatbaar.

Die belangrikheid van selfone as kommunikasiemiddel word deur die skool erken. Saam met die besit van ‘n selfoon is daar egter ook gepaardgaande verantwoordelikhede.

Die volgende gedragskode geld met betrekking tot selfone en elektroniese toestelle:

• Die eienaar is verantwoordelik vir die veiligheid van die selfoon. Die skool kan nie verantwoordelik gehou word vir enige verliese nie. Geen afkondigings i.v.m. verlore selfone sal gemaak word nie.
• Die beste veiligheidsmaatreël is steeds om nie bekend te maak dat jy ‘n selfoon by jou het nie.
• Gedurende les-ure en eksamens moet die selfoon afgeskakel wees (dus ook nie op stil/vibreer nie), ten einde ons leerders die geleentheid te gee om volle aandag in die klas te gee.
• Gedurende die periode moet alle elektroniese toestelle soos selfone en oorfone ook buite sig wees. Selfone mag nie in die plek van sakrekenaars gebruik word nie.
• Indien daar die moontlikheid van ‘n dringende boodskap is, kan die sekretaresse geskakel word wat dan die boodskap aan die leerder sal oordra.
• Selfone en oorfone mag dus slegs voor skool, tydens pouses en na skool gebruik word.
• Oortreding van bogenoemde gedragskode kan tot die konfiskering van die selfoon lei.
• Leerders kan hulle selfone terugkoop teen ‘n vasgestelde boete van R100 betaalbaar aan die EINDE van die dag. Indien nie kan betaal, bly die selfoon tot aan die einde van die kwartaal in die kluis.
• Leerders word aangemoedig en moet opgevoed word om selfoonetiket na te kom en die selfone positief te gebruik.
• Indien ‘n selfoon as stoorplek vir onwelvoeglike en negatiewe materiaal gebruik word, is dit ook ontoelaatbaar by die skool.

Gedurende die skooldag of na eksamen is die volgende terreine verbode:

• Agter die busloods
• Agter die netbalbane
• Onder die B-veld paviljoen
• Motorvoertuie
• Parkeerareas

Gebruik van die skoolterrein:

• Geen leerder mag met fietse of motors op die skoolterrein peuter nie.
• Geen leerder mag met ‘n motor/motorfiets op die skoolterrein of stoepe ry nie.
• Slegs die voertuigpark mag vir motors en motorfietse gebruik word. Hierdie parkering is op eie risiko.
• Geen leerder, of die speel van speletjies, word tussen die personeel se voertuie en afdakke toegelaat nie.
• Geen skaatsplanke op die skoolterrein nie en geen fietse op stoepe toegelaat.

• ‘n Leerder moet elke dag huiswerk doen en die regte boeke skool toe bring.
• Huiswerk afskryf en/of die voorsiening daarvan word ten strengste verbied.
• Daar word te alle tye van leerders verwag om eerlik te wees.

Graffiti op banke, geboue, boeke of enige ander skooleiendom asook vandalisme word ten strengste afgekeur en verbied.

Rommelstrooi is streng verbode. Vullisblikke is oral op die terrein waarin afval sorteer moet word.

Die besit en/of die gebruik van die volgende materiaal is verbode:

• alkohol
• sigarette en ander dwelms
• vuur- of ander gevaarlike wapens
• pornografiese materiaal
• CD’s, DVD’s, IPOD’s, Tablette, MP3 spelers en selfone waarop gevloek word of eksplisiete seksuele musiek opgeneem is.

Die volgende is oortredings wat in ‘n baie ernstige lig beskou word:

• Leerders wat dronk of in ‘n bedwelmde toestand is.
  Leerders wat kriminele oortredings pleeg.
• Baklei
• Intimidasie
• Viktimisasie
• Diefstal
• Klip-, natgooiery
• Rowwe/gevaarlike speletjies
• Om iemand met enigiets te gooi / rekkies te skiet.